طول عمرى باخاف م الحب وسيرة الحب وظلم الحب لكل اصحابه
واعرف حكايات مليانه أهات ودموع وانين والعاشقين دابوا ماتابوا
طول عمرى باقول لا انا قد الشوق وليالى الشوق ولا قلبى قد عذابه
وقابلتك انت لقيتك بتغير كل حياتى
مااعرفش ازاى حبيتك مااعرفش ازاى ياحياتى
من همسة حب لقيتنى بحب وأدوب فى الحب وصبح وليل على بابه
*****
فات من عمرى سنين وسنين شفت كتير وقليل عاشقين
اللى بيشكى حاله لحاله واللى بيبكى على مواله
أهل الحب صحيح مساكين
ياما الحب نده على قلبى ما ردش قلبى جواب
ياما الشوق حاول يحايلنى واقول له روح ياعذاب
ياما عيون شاغلونى لكن ولا شغلونى
الا عيونك انت دول بس اللى خدونى
وبحبك أمرونى
أمرونى أحب لقيتنى باحب وأدوب فى الحب
وصبح وليل على بابه
ياللى ظلمتوا الحب وقلتوا وعدتوا عليه قلتوا عليه مش عارف ايه
العيب فيكم ياف حبايبكم أما الحب ياروحى عليه
فى الدنيا مافيش أبدا أبدا أحلى من الحب.........
نتعب نغلب نشتكى منه لكن بنحب
ياسلام عالقلب وتنهيده فى وصال وفراق
وشموع الشوق لما يقيدوا ليل المشتاق
ياسلام ع الدنيا وحلاوتها فى عين العشاق
وأنا خدنى الحب لقيتنى باحب وأدوب فى الحب
وصبح وليل على بابه
ياللى مليت بالحب حياتى أهدى حياتى اليك
روحى قلبى عقلى حبى كلى ملك ايديك
صوتك نظراتك همساتك شئ مش معقول
شئ خلى الدنيا زهور على طول وشموع على طول
الله ياحبيبى على حبك وهنايا معاه
ولا دمعة عين جرحت قلبى ولا قولة أه
ماباقولش ف حبك غير الله ...الله... الله
وأنا خدنى الحب لقيتنى باحب وأدوب فى الحب
وصبح وليل على بابه
******
موضوع: أغنية سيرة الحب ****** أم كلثوم ******** تاليف مرسى جميل عزيز ****** 
الثلاثاء يونيو 30, 2009 12:54 am
